Ginkumpirmar sang Department of Justice (DOJ) nga ginpasakaan na sang multiple counts of murder kag serious illegal detention ang negosyante nga si Atong Ang kag ang iya mga kaupdanan bangud sang ila kahilabtanan sa pagkadula sang mga manugbulang.
Ginpahayag ni DOJ Secretary Crispin Remulla nga mismo ang mga himata sang mga biktima sang nadula nga mga sabungero ang nagpasaka sang kaso nga multiple murder kag serious illegal detention.
Ginpasakaan man sang kaso ang aktres nga si Gretchen Barretto kag iban pa.
Dugang pa sang tiglikom, maathag nga may yara sang mga key witnesses kag witnesses nga nagapamatuod sang kahilabtanan ni Atong Ang.
Gindayaw man ni Remulla ang whistlelower nga si Julie “Dondon” Patidongan sa iya kaisog sa pagbuyagyag sang mga yara sa likod sang nadula nga mga sabungero.
Ginakabig ni Remulla si Ang nga “main player” sa kaso ilabi na nga siya ang boss ni Patidongan. Kumpiyansa si Remulla nga may fairness sa pagbista sa kaso agud nga may yara sang nagakaigo nga resolusyon sa kaso
