Ginakabalak-an sang mga pumuluyo sang Barangay Ambilay, Panitan, Capiz ang atrasado nga flood control project sang Department of Public Works and Highways (DPWH).
Sa interview sang Bombo Radyo kay Punong Barangay Juan Deita Baulite, iya ginpahayag nga kuntani matapos na ang proyekto antes pa mag-abot ang maulanon nga tyempo nga posible tuna-an sang pagbaha sa lugar.
Suno kay Baulite, may yara sang mga construction equipment sa lugar apang nagapabilin ini nga naka-standby.
Nahibaluan nga nagsugod ang nasambit nga flood mitigation project sang Agosto 2024, nga may ginabulubanta nga P67 milyon nga budget, apang tubtob subong wala pa ini natapos.
Nagapanawagan ang barangay sa DPWH nga mapadali ang pagkompleto sang proyekto agud masiguro ang seguridad sang mga residente ilabi na sa tion sang kalamidad kag mabaskog nga pag-ulan.
