Nagalaum sang mas manami nga dalan ang mga pumuluyo sang Barangay Mongpong, Roxas City, apang padayon gihapon sila nga nagaantos bangud sa atrasado nga proyekto sa karsada sang Department of Public Works and Highways (DPWH).
Sa interview sang Bombo Radyo kay Punong Barangay Ricky Donato, iya ginpahayag nga nag-umpisa ang nasambit nga proyekto sang Marso 6, 2025 kagmatapos kuntani sa Marso 7, 2026, apang tubtob subong wala pa ini nahuman.
Suno kay Donato, ang wala matapos nga proyekto nagadala sang risgo sa seguridad sang mga residente bangud sa malubak kag indi pantay nga dalan, nga posible magresulta sa aksidente.
Nahibaluan nga ang proyekto may kabug-osan nga pondo nga nagabalor sang P112 million.
Nagapanawagan ang mga pumuluyo nga kuntani mahuman na ang proyekto agud malikawan ang dugang nga perwisyo sa dalanon.
