Nagluntad naman ang gamay nga pagbinaisay sa tunga nanday defense counsel Atty. Lindon Bacquel kag prosecution counsel nga si Atty. Amando Ligutan angut sa relevance sang past role ni witness Gina Acosta bilang Special Disbursing Officer (SDO) sa Davao City sa impeachment trial.
Ginrason ni Bacquel nga indi dapat ilakip sa hearing ang confidential funds sa Davao City, bangud gina-alegar nga indi ini kabahin sang mga alegasyon sa Articles of Impeachment.
Samtang, wala naman nag-ugyon si Ligutan, nga nagapamatuod nga importante ang eksperyensya ni Acosta bilang Special Disbursing Officer sa Davao City halin 2019 tubtob 2022.
Suno kay Ligutan, ang eksperyensya ni Acosta sa Davao City amo ang rason kon ngaa gindala siya ni Vice President Sara Duterte sa OVP agud maghimo sang kapareho nga trabaho.
