Nagpabutyag si Atty. Lorna Kapunan sang pagkadismaya sa depensa matapos ginsiling sini nga wala nagtuman ang defense team sa nakasugtan nga pagkitaay nila para magkumparar sang mga dokumento sa impeachment trial.
Ginsiling ni Kapunan bilang counsel sang prosecution panel, nga “gin-indian” sila sang defense team matapos wala sila gilayon nagsabat sa ila nga text message kun san-o sila makitaay—Huwebes ukon Biyernes sang nagligad nga semana.
Gintawag ni Kapunan nga “bad faith” ang ginpahayag indi pagsunod sang depensa sa direktiba.
Suno sa iya, ginhatagan sang kahigayunan ang defence team nga makatambong sa sinapol.
Samtang, ginpahayag ni defense counsel nga si Atty. Kristine Ferrer nga indi na kinahanglan nga ipaanggid pa ang mga dokumento bangud ang korte ang magadesisyon sa authenticity sang mga acknowledgement receipts.
