Napangayo naman sang pasaylo si House Private Prosecutor Atty. Lorna Kapunan kay Senator-Judge Robinhood Padilla kasunod sang tensyon nga nagluntad sa impeachment trial hearing batuk kay Vice President Sara Duterte.
Suno kay Kapunan, sila ang yara sa frontrow sang prosecution panel nga gintudlo ni Padilla nga naga-react samtang nagahambal ini.
Dugang pa ni kapunan, isa lamang ka “instinctive reaction” kag wala sila sang intensyon nga indi pagrespetuhon ang senador.
Nagpangayo man ini sang pasaylo kag naghingyo nga pasensyahan na lamang ini.
Samtang, ginhatagan pagtamod ni House Lead Prosecutor Rep. Gerville Luistro nga ginalauman nga magpabilin nga neutral ang mga senador-judges sa tion sang impeachment trial, kasunod sang panawagan ni Padilla nga indi mangin “one-sided” ang prosekusyon.
