Atty. Levito Baligod, ginakabalak-an sini ang posibilidad nga ma-cite in contempt kag mabutang sa kustodiya sang senado ang iya mga kliyente

Gin-ako ni Atty. Levito Baligod, abogado sang 18 ka mga anay bodyguard, nga nahadlok ang iya mga kliyente nga mag-atubang sa hearing sang Senate Blue Ribbon Committee sa pagpanguna ni Sen. Erwin Tulfo.

Kasunod ini sa wala pagtambong ang iya mga kliyente sa ginpatigayon nga hearing sang Gatchalian bloc kahapon nga adlaw.

Suno kay Baligod, ginakabalak-an sang grupo ang posibilidad nga ma-cite in contempt kag mabutang sa kustodiya sang senado kun makabig nga indi masaligan ang ila testimonya.

Apang ginpasalig ni Baligod nga handa kag bukas ang iya mga kliyente sa pagtambong sa hearing kun makabaton sila sang opisyal nga imbitasyon gikan sa komitiba.