Atty. Lorna Kapunan, nagpabutyag sang kalipay sa nangin resulta sang Pre-Trial Conference

Nagpabutyag sang kalipay si House private prosecutor Atty. Lorna Kapunan sa nangin resulta sang pre-trial conference angut sa impeachment case.

Suno kay Kapunan, pila lang ka technical details sa pre-trial order ang kinahanglan nga i-review antes magsugod ang trial.

Ginhatagan man niya sing igtalupangod nga ang kampo sang depensa nagpasugot nga markahan ang kahon sang BIR bilang kabahin sang ebidensya nga ipresentar sa kaso.

Ginpahayag niya nga ang mga kasugtanan nga nalab-ot sa tion sang pre-trial conference makabulig sa pagsiguro sang matalunsay nga paghiwat sang palaabuton nga mga trial.