Sa nagapadayon nga impeachment proceedings angut sa gin-alegar unexplained wealth ni Vice President Sara Duterte, nabuyagyag nga ang iya bana nga si Atty. Manases Carpio, nagserbe nga chairman sang board sang Calle88 Foods Corporation.
Suno kay Securities and Exchange Commission Lawyer Gerardo Del Rosario, si Carpio ang isa man ka incorporator, director, kag shareholder sang nasambit nga kumpaniya humalin 2021 tubtob 2024.
Sang ginpamangkot ini private prosecutor Erwin Matib kon bala may interes si Vice President Sara sa kompanya, si Del Rosario nagsiling nga wala, apang nagguwa nga ang iya bana ang may interes sa kumpanya.
Base sa 2022 General Information Sheet ukon GIS, halin sa Amount Subscribed nga P200,000 sang 2022, nagtaas ini sa masobra P237,000 halin 2022 tubtob 2024, samtang ang paid-up capital nagtaas halin sa P50,000 tubtob sa masobra P59,000.
Kaangot sini, makita man sa GIS nga naglab-ot sa 47.50% ang ownership ni Carpio sa nasambit nga korporasyon.
