Nagpasaka sang kaso nga perjury si Atty. Manases Carpio, bana ni Vice President Sara Duterte, batok kay Former Senator Antonio Trillanes IV sa Pasig City Prosecutor’s Office.
Ang kaso may kaangtanan sa affidavit nga ginpasaka ni Trillanes sa House Committee on Justice may kaangtanan sa impeachment proceedings batok kay Vice Presidente Sara Duterte.
Sa affidavit, gin-akusaran ni Trillanes si Carpio kag si VP Sara nga may joint bank accounts nga nagalab-ot sa sobra P111 milyon sang 2016 kag gina-angot ini sa ilegal nga druga.
Ginpanginwala naman ini Carpio ang mga alegasyon kag gintawag ini nga peke kag malisyuso nga akusasyon.
Suno sa iya, wala siya sang bank account nga may sobra P100 milyon kag wala man siya sang koneksyon sa ilegal nga droga ukon sa ginapahayag nga drug personality nga si “Sammy Uy.”
Dugang pa sang kampo ni Carpio, hearsay lamang ukon wala sang mabaskog nga ebidensya ang mga alegasyon nga ginpasaka batok sa ila.
