ROXAS CITY – Ginpasidunggan ang founder sang Youth Borres Leadership Institute (BYLI) sang Benita and Catalino Yap Foundation (BCYF) bilang CSR Youth Awards Awardee 2019 sa Young Professional Category.
Ginpahayag ni Atty. Mark Borres nga daku nga factor para makuha ang nasambit nga pasidungog amo ang iya pagtukod sang BYLI sa diin nasulod ini sa criteria nga citizenship, sustainability kag social responsibility nga ginapangita sang foundation.
Aminado si Atty. Borres nga indi nangin mahapos ang pagpasakup sini bangud kapin sa 170 ka mga youth organization sa Pilipinas ang nagsumiter sang ila mga dokumento.
Bangud nangin awardee ini, nakabaton sang grant ang BYLI sa BCYF foundation sa diin gamiton sini ang grant sa implementasyon sang mga proyekto sa sulod sang lima ka tuig.
