ROXAS CITY – Nagpahayag sang pagpasalamat ang new elected mayor sang banwa sang Dumarao sa mga pumuluyo nga nagbulig kag nag-suporta sa iya kandidatura.
Ini ang ginpahayag ni Atty. Matt Hachuela sang ma-interview sang Bombo Radyo.
Suno kay Hachuela nga nalipay siya sa iya kadalag-an apang nasubuan naman ini sa mga tinaga nga ginpangbuy-an sang tagsa ka mga kandidato nga nagpahayag sang pagpakalain kag pagpatalang.
Nagalaum si Hachuela nga magahugpong ang bug-os nga Dumaraonon para sa kauswagan sang ila banwa mapakontra partido man ukon kaalyado.
Nalipay man ini, nga nagdaog ang iya ka tandem nga si Bokbok Dampog bangud may kabulig siya sa pagdumala sang ila banwa para sa pagbag-o. Nagpromisa man si Hachuela nga magaserbisyo siya sang tampad kag may dala nga pagpalangga sa mga pumuluyo sa banwa sang Dumarao.
