Ginakabig nga authentic learning ang pag-upod sang mga ginikanan sa pagsabat sa modules sang ila mga anak, labi na nga wala pa ginapatuman ang face to face classes bangud sa COVID-19.
Apang ginpahayag ni Dr. Salvador Ochavo, Capiz Schools Division Superintendent nga indi na matawag nga authentic learning kun wala ang presensiya sang bata kag ang ginikanan lamang ukon guardian ang nagasabat sang modules.
Ginpanindugan man ni Dr. Ochavo nga wala pa sang report nga nakalab-ot sa iya may kaangtanan sa pagbayad sang mga ginikanan sa manunudlo nga magasabat sa modules.
Ang common nga iya mabatian kag nahibaluan nga ang mga ginikanan mismo ang nagasabat sa modules, apang dapat nga yara man sa ila tupad ang bata.
Mas maayo gid kun mismo ang mga bata ang magasabat sang modules kag i-guide lamang sang mga ginikanan.
Nagpanawagan man ini sa kun sin-o nga may nahibaluan nga nagahimo sini nga pamaagi, magpakig-angut lamang sa iya talatapan para ini ang ila nga ma-imbestigahan.
Samtang ginkumpirma ni Dr. Ochavo ang paglunsyar sang Division of Capiz sang ‘’At Home Learning Space’’.
Pinaagi sini mahatagan sang espasyo sa balay nga makabig lugar sang mga kabataan para sila ang magtuon.
