Ginkwestyon ni Defense counsel nga si Atty. Mark Vinluan ang otoridad ni Anti-Money Laundering Council (AMLC) Executive Director Atty. Ronel Buenaventura nga maga-atubang sa House Committee on Justice kag magpresentar sang Confidential financial records sa Abril 2026.
Ginpamangkot ni Vinluan kon may yara sang partikular nga nasulat nga awtorisasyon gikan sa tatlo ka mga katapo sang AMLC nga nagapahanugot kay Buenaventura nga mag-atubang sa hearing kag mag-disclosed sang mga confidential records.
Gin-athag ni Buenaventura nga ang iya otoridad nga mag-atubang sa competent authorities sa tion nga ma-subpoena ang sakop sang 2022 AMLC Information Exchange Guidelines.
Ginsundan ini sang mga pamangkot ni Vinluan angut sa pagbuyagyag sang Covered Transaction Reports (CTRs), Suspicious Transaction Reports (STRs), kag iban pa nga financial intelligence reports nahanungod kay Vice President Sara Duterte kag sa iya bana nga si Atty. Mans Carpio.
Suno kay Buenaventura, confidential ang amo nga impormasyon kag ang pagbuyagyag sini nabase sa nagaluntad nga mga pagsulundan sang AMLC.
