MANILA – Nagguwa na ang resulta sang autopsy nga ginpatigayon sang National Police – Aviation Security Group sa duha ka mga biktima sang nagligad lang nga car crash sa Ninoy International Airport (NAIA) Terminal 1.
Suno sa Aviation Security Group sang National Police, blunt force trauma sa ulo kag spinal cord ang gintunaan sang kamatayon sang 29 anyos nga biktima.
Ang iya bangkay ang nakahaya subong sa ila puluy-an sa Hagonoy, Bulacan.
Blunt force trauma sa ulo kag wala nga bahin sang lawas ang lima ka tuig nga biktima nga sa karon nakahaya na sa syudad sang Lipa, Batangas.
Matandaan, nga isa ka SUV nga ginamaneho sang 47-anyos nga lalaki ang nag-arado sa Departure West Curbside Area sang nasambit nga airport.
Magluwas sa duha ka napatay, napilasan man sini ang iban pa nga mga pasahero sang airport nga yara sa lugar sang insidente.
Matapos ang insidente, gilayon nga gindakop sang mga otoridad ang suspek kag nagnegatibo ini sa paggamit sang iligal nga druga kag makahulubog nga ilimnon
