Ginalantaw sang mga kapulisan nga away sa duta ang motibo sa pagpangluthang sa isa ka lalaki sa Barangay Balingasag, Cuartero, Capiz.
Ang biktima amo si alyas “Macoy,” residente sang nasambit nga barangay, samtang ang mga suspek amo sanday alyas “Egol,” kag alyas Dan Eric, lunsay mga residente man sang nasamit nga lugar.
Sa interview sang Bombo Radyo kay Police Major Jesse J.Lepaña, hepe sang Cuartero Municipal Police Station, iya ginpahayag nga yara sa iya payag-payag ang biktima sang sang hinali nalang nagsulod sulod si alyas “Egol,” kag ginluthang ang biktima.
Suno kay Lepaña, look out ang partisipasyon ni alyas Dan Eric sa nagluntad nga krimen.
Gilayon nga gindala ang biktima sa Hospital para sa nagakaigo nga pagbulong.
Samtang, na-aresto na sang kapulisan si alyas “Egol,” apang nagapabilin nga at-large ukon wala pa nadakpan si alyas Dan Eric.
