Posible away sa duta ang ginalantaw rason sa likod sang pagpangluthang-patay sa isa ka lalaki sa Sitio Ilawod, Barangay Alasaging, Maayon, Capiz.
Ang biktima amo si alyas “Perong”, residente man sang nasambit nga lugar.
Sa interview sang Bombo Radyo kay Police Executive Master Sergeant Rodnie Dordas, Deputy Municipal Executive Senior Police Officer sang Maayon Municipal Police Station, iya ginpahayag nga na-recover sa area ang tatlo ka basiyo sang caliber .45 nga armas-luthang nga gingagamit sang suspek.
Suno kay Dordas, nag-angkon sang madamo nga pilas sa lawas ang biktima nga amo rason sang kamatayon sini.
Matadaan nga nagasakay sa motoksilo ang biktima sang hinali lang nga ginluthang sang suspek nga nagasakay man sa isa pagid ka motorsiklo sa amo nga amo nga lugar.
