Ginpahayag ni Department of Justice Secretary Jesus Crispin Remulla nga gin-deny sang Netherlands ang asylum application ni anay presidential spokesperson nga si Atty. Harry Roque.
Sa isa ka pahayag, ginpakigbahin sang nasambit nga tiglikom sang departamento nga si Secretary Jesus Crispin Remulla nga may yara siya sang impormasyon nga makahambal nga ginbalibaran ang iya aplikasyon.
Suno sa iya, ginpasa man sa Germany ang kaso angut sa resolution sang iya asylum application.
Gani, ginpahayag sini nga hulaton na lamang sang Department of Justice kun ano ang mangin resulta angot diri kag ginpahayag nga posible nga mapasakaan sang extradition si Atty. Harry Roque.
Apang gindugang pa sang tiglikom nga posible indi na ini kinahanglan bangud mahimo nga kanselahon ang iya passport.
Kag sa tion nga ang anay tigpamaba sang presidente ginakabig nga isa ka ‘undocumented alien’, ang International Criminal Police Organization mahimo nga makasulod.
