-- ADVERTISEMENT --
ROXAS CITY – Yara na sa isa ka punerarya ang bangkay sang 20-anyos nga babaye nga ginaalegar naghikog sa ila balay sa banwa sang Tapaz.
Nasapwan si Alyas Analyn sang iya nga bana nga wala na sang kabuhi sang nag-abot ini gikan sa pagbulad sang mais.
Gilayon nga nagpangayo sang bulig ang bana sa ila kaingud balay kag gindala sa Tapaz District hospital ang biktima, apang gindeklara nga dead on arrival.
Nagaguwa sa imbestigasyon sang kapulisan sa bana sang ginang nga tatlo ka adlaw antes ang pag-utas sa kaugalingon nga kabuhi sang biktima, naobserbahan sini nga maluya ang iya misis kag masami ginamuno ang natuhoy sa gin-adoptar nga anak nga gindala sang ila himata sa Metro Manila.
