Ka-Bombo kon kamu ang pamangkuton, kaya niyo bala ayhan nga palanggaon kag magtinir sa isa ka tawo apisar nga tuman ka baho ini?
Naghilibion ang isa ka babaye sa Zamboanga del Norte matapos nga ginbayaan siya sang iya bana bangud sa ginaalegar indi maagwantahan nga baho sang iya sini nga lawas.
Suno sa report, madugay na nga naga-upod ang mag-asawa nga ginhingadlan kay Dodoy kag Inday kag wala man sang problema nga nakita ang ila mga kaingud balay antes naglapta ang balita nga nagbulagay sila nga duha.
Ginpahayag ni Dodoy nga nagdesisyon siya nga bulagan ang asawa bangud indi na siya makaagwanta sang baho sini ilabi na kun maglapitay sila.
Dugang pa ni Dodoy, gin-estorya niya anay ang iya asawa kag ginpanugyanan nga magtinlo pirmi kag maggamit sang personal hygiene, apang wala gihapon ginasunod sang iya asawa.
Bangud sini, nagdesisyon si Dodoy nga magpalayo na lamang sa iya asawa, samtang padayon naman nga nasakitan si Inday sa natabo sa ila relasyon.
Naglapta naman ang istorya sa ila lugar, madamo sang netizens kag kaingud balay ang naghatag sang ila opinyon sa sitwasyon sang mag-asawa.
May yara man nga nagasiling nga importante ang matinlo nga panglawas sa relasyon, samtang ang iban naman nagapati nga mas maayo kuntani kun nagpangayo anay sila sang bulig ukon nagpakonsulta antes nagdesisyon nga magbulagay.
