Babaye ginkagat sang man-ug nga gindumdum niya hinuptan nga manok

ROXAS CITY – Ginapangita sa karon ang man-ug nga nagkagat sa isa ka ginang sa Bermejo compound, Barangay Baybay, Roxas City.

Ginabulong sa ospital ang biktima nga si Renee Aguirre bangud sa naangkon nga pilas sa iya nga kamot kag tiil matapos kagton sang man-ug.

Suno sa ginang nga nagguwa ini sa ila balay matapos may nabatian nga kaluskos.

Ginsunod sini ang gahud tobtob may nakita nga nagahulag sa madulom nga parte sang kilid balay.

Sa pagpati nga ini ang hinuptan nga manok, hinali ini nga gin-uyatan sang ginang

Apang amo na lamang ang kakibot ni Aguirre sang hinali siya kagton sa kamot kag tiil.

Sa kahadluk sang ginang, nagdalagan ini kag nagpangayo sang bulig sa mga tupad balay nga gilayon nagresponde, apang wala na nila maabtan pa ang man-ug.