Mga ka-bombo, nakakita na bala kamo sang tattoo sa itsura? ukon may yara bala kamu sang kilala nga nagpatattoo sang pangalam sang ila nga mga boyfriend ukon girlfriend?
Masami sa aton magpatatoo sa lawas ginapabutang apang didto sa isa ka pungsod, isa ka babayi ang pinasadi bangud ginpatatoo niya sa agtang ang pangalan sang iya nga nobyo.
Ang babaye amo si Ana Stanskovsky, isa ka influencer nga taga United Kingdom.
Si ana, isa ka mabuot nga babaye kag tuman niya gid ka palangga ang iya sini nga nobyo.
Nagpost ini sang video nga ginpakita ang iya nga tattoo sa agtang nga may pangalan “Kevin” apang nagduha-duha ini kon bala magustohan ini sang iya nga nobyo.
Suno kay ana, ginhimo niya ini agud nga indi siya pagbayaan sang iya nga nobyo bangud para sa iya si Kevin lang ang nagtrato sa iya sang mayo.
Madamo naman nga mga netizens ang nagcomment sa iya nga social media post kalakip sini ang isa ka tattoo artist nga nagasiling hindi niya gid ini pag-ubrahon sa iya nga mga kliyente kag ang iban naman nga netizens ang nagasiling nga indi ini matuod.
