Nagapabilin nga yara sa kustodiya sang Oslob Police Station ang 73-anyos nga mister nga suspek sa pagpatay sa kaugalingon sini nga asawa.
Suno kay Police Major Jude Cebrero, hepe sang Oslob Police Station, natabo ang insidente sa Barangay Upper Calumpang nakit-an na lamang sang ila anak ang iloy sini nga 72-anyos nga nagapaligo na sang kaugalingon nga dugo.
Base sa imbestigasyon, nag-angkon sang mainit nga sabtanay ang mag-asawa kabangdanan agud gindudu ang asawa sa liog.
Nahibaluan nga antes nagpalagyo ang suspek naghulam pa ini sang P500.00 sa ila kaiping balay kag motorsiklo.
Sa ginpatigayon nga hot pursuit operation kag sa bulig sang mga himata sang suspek, nakit-an ini nga nagapanago sa Barangay Basak, Mandaue City.
Bangud sini, gilayon nga gindala ang suspek sa Oslob Police Station.
Samtang, nakuha naman sa lugar ang matalum nga hinganiban nga gingamit sa krimen.
