-- ADVERTISEMENT --
IVISAN, CAPIZ – Padayon nga ginabulong sa Roxas Memorial Provincial Hospital ang 24-anyos nga empleyado sang Philippine Statistics Authority (PSA) matapos naaksidente ang ginamaneho nga motorsiklo sa ginakay-o nga dalan sa Barangay Mianay, Ivisan, Capiz.
Ginkilala ang biktima nga si Fredilyn Gimoto sang Barangay Agdahon, Cuartero, Capiz.
Ba-se sa imbestigasyon sang kapulisan samtang ginasubay sang biktima ang dalanon padulong sa banwa sang Ivisan, wala sini madiparahan ang gina-construct nga dalan sa Barangay Mianay, Ivisan kag nabungguan ang early warning device. Bangud sa aksidente nag-angkon sang kapilasan sa lawas ang biktima nga gindapatan sang una nga pagbulong sang nagresponde nga Ivisan response team antes gindala sa ospital.//
