ROXAS CITY – Dakop sa akto ang isa ka babayi sa ginpatigayon nga Anti-Illegal Gambling Operation sa Barangay Banica, Roxas City kahapon.
Ginkilala ang arestado kay Jennifer Clarito, 49 anyos kag residente sang Barangay Mongpong, sining syudad.
Sa impormasyon nga nakuha sang Bombo Radyo gikan sa Roxas Component City Police Station, nga nadakpan sa akto si Clarito nga nagbaton ukon nagapangulekta sang bayad gikan sa isa ka pulis nga nagpakuno kuno nga poseur bettor sang STL Pares ukon Bookies.
Narekober sa posesyon ni Clarito ang isa ka maong sling bag, P20 pesos nga bet money, 510 pesos nga cash sang nagkalain lain nga denominasyon, ballpen, koteho kag isa ka notebook.
Sa karon yara na sa kustodiya sang Roxas Component City police station ang arestado para sa nagakaigo nga disposisyon.
