-- ADVERTISEMENT --
ROXAS CITY – Nakahunong na sa karsel sang Ivisan Municipal Police Station ang isa ka ginang nga nadakpan sa ginpatigayon nga drug buy bust operation sa Barangay Sta. Cruz, Ivisan, Capiz.
Ginkilala ang subject person nga si Susan Diestro alyas Susan sang nasambit nga lugar.
Narekober sa operasyon ang tatlo ka sachet sang ginapatihan shabu nga nagabug-at sang dos gramos kag may market value nga P13,600, P500 nga buy bust money kag pouch nga may unod nga kuwarta.
Ginpatigayon ang operasyon sang gintingub nga pwersa sang Provincial Drug Enforcement Unit (PDEU) kag Ivisan PNP.
