Nasapwan patay ang anay Overseas Filipino Worker (OFW)sa sulod sang balay sa Barangay Taft, Tapaz, Capiz.
Ang biktima amo si alyas “Jove”, babaye, 34 anyos, residente sang Barangay Nayawan, Tapaz, Capiz kag temporary nga nagatinir sa balay sang iya manghod sa Barangay Taft sa nasambit nga banwa.
Sandig sa impormasyon sang Tapaz Municipal Police Station, mismo ang manghod nga si alyas “Jena” ang nakadisubre sang lawas sang iya magulang.
Suno sa utod, nagpanaog siya halin sa kwarto sa ika-duha nga panalgan kag na-notaran niya nga wala na nakaguwa ang biktima.
Gin-check ni Jena ang iya magulang kag ginkakibot nga yara na ini sa salog sa kilid sang iya nga katre.
Sa imbestigasyon, nakit-an nga may pilas sa dughan ang biktima nga ginapatihan tuga sang matalom nga pagkabutang.
Gindala pa sa ospital ang magulang apang gindeklara ini nga patay na.
Padayon naman ang imbestigasyon sang kapulisan.
