-- ADVERTISEMENT --
ROXAS CITY – Dakop ang isa ka wanted nga persona matapos ginserbihan sang warrant of arrest sang mga kapulisan sa Barangay Kahirupan, Iloilo City.
Ginkilala ang nadakpan nga si Ma. Leah Gonzales Palisoc, 38 anyos, residente sang Barangay Bergante, Mambusao, Capiz apang temporaryo nga naga-estar sa siyudad sang Iloilo.
Si Palisoc ang akusado sa kaso nga Estafa nga ginpapanaog kag gin-isyu ni Judge Daniel Antonio Gerardo Amular sang RTC, Branch 21, Mambusao, Capiz sadtong Hunyo 11, 2013.
Ginrekomendar sang korte ang P40, 000 nga piyansa para sa temporaryo nga kahilwayan sang akusado.
