Nag-viral sa social media ang tumalagsahon nga desisyon sang isa ka babaye sa United Kingdom nga gamiton ang abo sang iya napatay nga ido bilang kabahin sang iya semi-permanent eyeliner tattoo.
Suno kay Claire Hobson, 20 ka tuig nga nakaupod niya ang iya pinalangga nga ido antes ini nagtaliwan.
Bangud sang iya pagpalangga sini sa iya pet, nagdesisyon siya nga maghimo sang espesyal nga paagi agud mapabilin ang handumanan sini.
Nagpalapit si Hobson sa isa ka expert nga makeup artist nga nagmix sang abo sang ido sa eyeliner ink antes gin-apply bilang tattoo sa iya mata.
Ginpahayag niya nga loyal, consistent kag puno sang unconditional love ang iya ido sa sulod sang madamo nga tuig nga pag-upod nila nga duha.
Nakakuha naman sang nagkalain-lain nga reaksyon gikan sa mga netizens ang iya ginhimo, apang para kay Hobson, isa ini ka pinasahi nga paagi sang pagdala sang handumanan sang iya pet bisan wala na ini sa iya tupad.
