Ginpadangat sa eksorsismo ang isa ka babaye nga ginapahayag nabiktima sang “hiwit,” matapos ginaalegar nga nagsuka sang mga lansang, alambre, staple wire kag iban pa nga mga matalom nga pagkabutang samtang ginapatigayon ang ritwal sa sulod sang simbahan.
Suno kay Sister Lei Macoy, nag-umpisa nga nagsiling ang babaye nga siya ang tigka-sukahon samtang nagapangamuyo sila, kag didto na nga natalupangdan ang pagwa sang mga lansang halin sa iya nga baba, butang nga ginkakibot mismo sang mga pari.
Gin-kumpirma man ni Reverend Father Michell Joe Zerrudo, exorcist sang Diocese of Cubao, nga pila ka beses pa nga nagsuka ang babaye. Ginapahayag man nga pag-abot sini sa banyo, may nakit-an man nga mga lansang kag alambre nga ginaalegar nagwa halin sa kinatawo sini.
Paathag ni Father Michell, posible nga epekto ini sang “hiwit,” kun sa diin ginabutang sang manug-hiwit sa isa ka grapon ang mga butang nga luyag isulod sa lawas sang biktima. Sa oras sang eksorsismo, ginasiling nga nagagwa ang mga ini.
Ginsiling naman sang babaye nga ang kerida sang iya nga mister ang posible nga may kahimuan.
