-- ADVERTISEMENT --
SAPIAN CAPIZ – Arestado ang isa ka babaye nga ginapahayag may kaso nga Qualified Theft, matapos ginserbihan sang warrant of arrest sang katapo sang Sapian Municipal Police Station sa Barangay Majanlud, Sapian, Capiz.
Ginkilala ang nadakpan kay alyas “Gina”, 46 anyos, kag residente sang nasambit nga lugar.
Ang warrant of arrest ang gin-isyu kag ginpirmahan ni Hon. Esperanza Isabel E. Poco-Deslate, Presiding Judge, Regional Trial Court, 6th Judicial Region, Branch 19, Roxas City, Capiz kag napetsahan Mayo 19, 2017.
Naglab-ot naman sa P40,000 ang ginrekomendar nga piyansa sang korte para sa temporaryo sini nga kahilwayan.
Sa karon, yara na sa kustodiya sang Sapian MPS ang nadakpan para sa nagakaigo nga disposisyon.
-- ADVERTISEMENT --
