Ginpasakaan na sang kaso ang Isa ka babaye nga nadakpan matapos naaktuhan nga nagapataya sang illegal nga STL bookies sa Barangay Basaio, Ivisan, Capiz.
Ang nadakpan amo si alyas Gin, 49-anyos kag residente man ang nasmbit nga barangay.
Sa interview sang Bombo Radyo kay Police Captain Rile Villariez, Hepe sang Ivisan Municipal Police Station, iya ginpahayag nga ang nadakpan ang nga nagapataya ang nagagamit sang improvised nga cotejo.
Narekober naman sa nadakpan ang 293 pesos nga cash, improvised STL cotejo, Isa ka coin purse kag isa ka black ballpen.
Kaso nga paglapas sa Presidential Decree 1602 ukon Anti-illegal gambling Law ang pagaatubangon sang amo nga arestado.
Nagpasalig naman ang natungdan sa publiko nga magapadayon ang ila nga pagmonitor sa mga naga-engage sang illegal nga mga bulahaton agud mapabilin ang kalinong kag katawhay sa palibot.
