ROXAS CITY – Ginluthang sang wala matumod nga suspek ang 38-anyos nga babaye sa sulod mismo sang ila puluy-an
Sitio Uyapad, Barangay Binuntucan, Pontevedra, Capiz.
Ginkilala ang biktima kay Cristina Desales kag residente sang nasambit nga lugar.
Sa impormasyon nga nakuha sang Bombo Radyo nagikan sa lugar, ginapahayag nga sang natabo ang insidente naga-inum-inum ang biktima kaupod ang pamilya sini sa sulod mismo sang ila puluy-an sang gulpi na lamang sila nga nakabati sang lupok sang armas-luthang.
Sa ila pagtsekyar sa guha sang ila balay madasig nga nakadalagan ang suspek sa wala mahibaluan nga direksyon.
Bangud sa natabo, nag-angkon sang pilas sa abaga ang biktima tuga sang pagpangluthang.
Sa karun padayon pa imbestigasyon sang Pontevedra MPS angut sa insidente kag matigayon nga madakpan ang suspek.
