Babaye nga nahulog halin sa 8th floor, luwas nga nagtupa sa atop sang ila balay kag nag-cellphone pa

Nakibot ang mga residente sa Sihanoukville, Cambodia matapos ginpahayag nahulog ang isa ka babaye halin sa ikawalo nga panalgan sang isa ka building kag nagtupa sa atop sang malapit nga balay.

Suno sa report, nagdalagan ang mga residente matapos makabati sang matunog nga gahod halin sa lugar.

Tuman ang ila kakibot sang nakita ang babaye nga nagapungko kag nagagamit sang cellphone sa ibabaw sang nagupi nga atop.

Sang ulihi, luwas nga nanaug ang babaye sa atop kag naghalin sa lugar nga daw kaangay wala lang sang may natabo.

Sa subong, wala pa sang dugang nga impormasyon tuhoy sa iya kahimtangan kag sa eksakto nga gintunaan sang pagkahulog.