Babaye nga napierde sa sugal, naghigda sa tunga sang dalan agud nga magpaipit sa salakyan para masolbar ang iya problema

Gindala sa ospital ang isa ka babaye matapos nakit-an nga nagahigda sa tunga sang dalan sa B. Rodriguez Street sa Cebu City.

Base sa inisyal nga impormasyon, ginapatihan nga hubog kag problemado ang babaye matapos ginaalegar napierde sa hampang sa casino.

Suno sa report, ginaalegar nga may yara ini sang utang nga P60,000 kag nahadlok nga mapreso bangud indi makasarang sa pagbayad sang nasambit nga kantidad.

Bangud sini, ginhimo niya nga magpaipit nalang sa salakyan agud malikawan ang problema.

Gilayon naman nga nagresponde ang mga personnel sang Cebu City Transportation Office ukon CCTO agud maluwas ang babaye kag malikawan nga mahalitan sang nagalabay nga mga salakyan antes ini gindala sa ospital para sa nagakaigo nga atensyon.