Pigcawayan, Cotabato – Patay ang isa ka babaye matapos ginluthang sang malapitan sa likod nga parte sang ulo sa Pigcawayan.
Sa kuha sang Close Circuit Television “CCTV”, sang Sabado sang gab-i, makit-an ang isa ka lalaki nga nagapalapit sa biktima nga yara sa sulod sang isa ka balaligyaan nga nakatalikod ang iya likod.
Sa mga masunod nga tion, ginbunot sang suspek ang iya pusil kag ginluthang ang babaye sa likod nga bahin sang ulo.
Dayon nga natumba ang biktima samtang nagpalagyo naman ang suspek sakay sa motorsiklo upod ang iya kaupod.
Gilayon naman nga gindala sa ospital ang biktima apang gindeklarar nga dead on arrival.
Suno sa kapulisan, isa sa mga motibo sa krimen amo ang posible away may kaangtanan sa illegal recruitment.
Padayon ang imbestigasyon sang mga otoridad agud matumod kag madakpan ang mga suspetsado nga nagpalagyo.
