Patay ang isa ka babaye matapos ginbuno sang iya bayaw bangud sa utang nga P500 sa Bayawan City, Negros Oriental.
Sandig sa imbestigasyon sang kapulisan, nagapatulog sang iya nga anak ang biktima sang ginsulong ini sang bayaw nga hubog kag nagamaoy.
Tubtob nga nanukot ang suspek sang utang nga P500 sa biktima.
Ginpalapitan ini sang babaye kag gulpi na lang siya nga ginbuno sang suspek.
Nabun-an man ang anak sang biktima matapos gintinguhaan pa kuntani nga magtambag.
Ginaalegar wala mabaydan sang biktima ang P500 nga utang bangud amo na ini ang ginbayad niya sa kuryente sang suspek nga nakikabit sa ila.
Dead on arrival sa ospital ang biktima.
Natigayon naman nga madakpan sa follow-up operation ang suspek kag magapangatubang sa reklamo nga murder kag frustrated murder.
