Ginkilala sang Guinness World Records ang isa ka 4 feet kag 5 inches nga babaye nga bombero gikan sa Florida, USA bilang pinakagamay nga babaye sa amo nga propesyon.
Ini amo si Kelso nagaalagad bilang isa ka firefighter sa sulod sang lima ka tuig sa St. Pete Beach, Florida.
Suno kay Kelso, ang posibilidad nga makasulod siya sa Guinness World Records ang isa lamang ka joke sa ila firehouse tubtub nga nag-research ang isa niya ka kaupdanan kag nadiskubrehan nga mahimo siya mangin record holder.
Sa pihak sang iya kataason, ginpahayag ni Kelso nga wala ini nakaupang sa iya trabaho, lakip na ang pagsulod sa nagakalayo nga building, pagdala sang heavy equipment, kag pag-atubang sang iban pa nga delikado nga sitwasyon.
Ginhatagan niya sang igtalupangod nga ang iya gamay nga kataason kon kaisa nagabulig gid sa pila ka hilikuton, subong sang pagkamang sa magagmay nga mga bintana kag pagsulod sa masiot nga mga hulot sa sulod sang mga building.
Gin-engganyo ni Kelso ang iban nga indi pagtugutan ang ila kataason ukon pisikal nga kinaiya nga mag-upang sa ila sa pagpadayon sang karera sa public service.
