Babayi, arestado matapos ginserbihan sang warrant of arrest sa banwa sang Dumalag

Arestado ang isa ka babayi matapos ginserbihan sang warrant of arrest sang mga katapo sang kapulisan sa Barangay Poblacion, Dumalag, Capiz.

Ang wala na ginhingadlan nga akusado ang nagapang-edaron sang 42-anyos ang nagapangatubang sa kaso nga qualified theft.

Ang warrant of arrest ang ginpapanaog kag ginpermahan ni Hon. Kristine B. Tiongco-Vinculando, Acting Presiding Judge, Regional Trial Court, 6th Judicial Region, Branch 15, Roxas City nga napetsahan sadtong Agosto 28, 2024.

Wala naman sang may ginrekomendar nga piyansa ang korte para sa temporaryo sini nga kahilwayan.

Samtang, yara na ini sa kustodiya sang Dumalag MPS para sa nagakaigo nga disposisyon.