Arestado ang isa ka babayi sa ginpatigayon nga drug buybust operation sa Brgy. Dayao, Roxas City.
Ang subject person amo si alyas Rea nga isa ka college graduate, 26 anyos kag residente sang Brgy. Tiza, Roxas City.
Sa interview sang Bombo Radyo Kay Police Lieutenant Colonel Rogelio L. Tomagtang Jr., Chief of Police sang Roxas Component City Police Station; iya gin pahayag nga ang nasambit nga operasyon ang ginpatigayon kaupod ang mga katapo sang durg enforcement unit kag mga katapo sang kapulisan
Suno kay Tomagtang , narecover sa paghinakop sang subject person ang 4 ka heat sealed transparent sachet sang ginapatihan shabu nga may kabug-aton sang 5 gramos kag may street value nga indi magnubo sa 34, 000 pesos.
Pahayag pa niya, madugay na nila nga ginamonitor ang nasambit nga indibidwal bangud ini ang lakip sa provincial level drug individual.
Sa subong, yara na sa paghinakop sang Roxas Component City Police Station ang suvject person kun sa diin magapangatubang sang kaso nga paglapas sa RA 9165 ukon Comprehensive Dangerous Drugs Act of 2002.
