ROXAS CITY – May rekord sa Barangay ang 24-anyos nga babayi nga nadakpan sa ginkasa nga entrapment operation sang Criminal Investigation and Detection Group (CIDG) nga ginpalagyuhan sini ang iya mga ginpang-utangan sa Brgy Dayao syudad sang Roxas.
Ini ang ginkumpirmar ni Punong Barangay Emily Ariza sang mainterview sang Bombo Radyo.
Matandaan nga nadakpan si Melvelyn Daradar sa entrapment operation sang otoridad matapos nga may nagreport nga nagapangscam ini pinaagi sa paggamit sang real estate company agud makakuha sang kwarta sa mga mabiktima.
Suno diri, madugay na nga wala nakapauli si Daradar sa ila lugar bangud sa syudad sang Iloilo na ini nagatinir.
Aminado naman si kapitan nga may rekord si Daradar sa ila brgy matapos nga ginpalagyuhan sini ang ginpang-utangan apang na settled naman gilayon.
Dugang pa ni Ariza nga wala ini nakahibalo sang mga hulag ni Daradar rasun nga wala man sini nahibaluan nga madamo na ini sang na scam ukon natunto sa lugar sang Iloilo.
