Patay ang isa ka babayi nga nagamaneho sang motorsiklo matapos mabungguan ang dump truck sa Barangay Lawaan, Roxas City.
Ang biktima ang amo si alyas “Nene,” 24-anyos, residente sang Sitio Bang-ogay, Barangay Natividad, Pilar, Capiz, apang temporaryo nga nagapuyo sa Barangay Lawaan.
Samtang ang driver sang dump truck amo si alyas “Robert,” 57-anyos, residente sang Barangay Dinginan, Roxas City.
Sa interview sang Bombo Radyo kay Police Lieutenant Colonel Rogelio Tomagtang Jr., Officer-in-Charge sang Roxas Component City Police Station, iya ginpahayag nga nagikan sa syudad ang motorsiklo sang biktima kag hinali ini nga nabunggo sa dump truck nga nagapagwa gikan sa Pueblo de Panay.
Gilayon ini nga ginhatagan sang pauna nga pagbulong sang Roxas City Emergency Response Team (RCERT) ang biktima kag gindala sa ospital, apang gindeklarar nga patay sang nagabulong nga doktor.
Sa subong, yara na sa kustodiya sang Roxas City Police ang dump truck kag motorsiklo nga nalakip sa aksidente, samtang padayon ang imbestigasyon sang kapulisan
