ROXAS CITY-Pilason ang duha ka mga persona matapos nga aksidente nga mabungguan sang motorsiklo ang isa ka babayi sa Barangay Lanot, Roxas City.
Ginkilala ang biktima nga si Maria Elena Celos, 58-anyos residente sang nasambit nga lugar.
Sa inisyal nga imbestigasyon sang mga kapulisan nagaguha nga samtang ginasubay sang motorsiklo ang dala sakay ang driver nga si Alexandria Camporaso 23-anyos kag backrider sini nga si Jinky Camporaso, aksidente nga nabungguan ang biktima nga nagatabuk sa dalan.
Bangud sini, nag-angkon sang pilas sa magkatuhay nga porsyon sang kalawasan ang biktima nga gindala sang Capiz Emergency Response Team (CERT) sa Bailan District Hospital.
Samtang pilason man ang backrider sang motorsiklo nga si Jinky nga gindala sa Roxas Memorial Provincial Hospital kag padayon nga ginabulong.
Sa karon padayon pa nga ginaimbestigaran sang mga kapulisan ang amo nga insidente.
