ROXAS CITY – Makit-an sa Closed-Circuit Television (CCTV) footage ang natabo nga pagkahulog sang isa ka babayi sa colorum nga traysikol kag kumpirmado nga natapakan sang nagasunod nga salakyan sang tinalikdan nga Hunyo 10, sini nga tuig.
Matandaan nga nahulog sa colorum nga traysikol si Mariepress Cervales, samtang yara ini sa likod sang driver, nga ginasubay ang dalanon sang Barangay Tiza, sini nga syudad.
May alegasyon sadto ang mga kaupod sa trabaho sang nasambit nga biktima nga matapos nahulog sa traysikol ang biktima, natapakan pa ini sang kasunod nga Isuzu MUX nagaduag silky pearl nga salakyan, apang wala ang mga ini sang pruweba.
Ginpanawagan man sang ginatrabahuan ni Cervales ang driver sang colorum nagaduag gray matapos nga wala man ini nagpakita matapos ang aksidente.
Sandig sa rekord sang mga kapulisan, ginkilala ang driver sang nakatapak nga salakyan kay Jose Santiago Bargas, 75-anyos kag residente sang Mckinley St. sini nga syudad.
Sa karon, yara ang bangkay sang biktima sa isa ka punerarya sa syudad.
