Babayi pilason matapos nga nakabunggo sang layaw nga ido ang motorsiklo nga ginamaneho sa Barangay Baybay, Roxas City

ROXAS CITY-Pilas sa nawala nga paa kag butkon ang naangkon sang 43-anyos nga babayi matapos nga nakabunggo sang layaw nga ido ang ginamaneho nga motorsiklo sa Sitio Lawis, Barangay Baybay Roxas City.

Ginkilala ang biktima nga si Hazel Gill Sobrepeña residente sang San Roque Street, Barangay Inzo Arnaldo Village sining siyudad.//

Sandig sa inisyal nga imbestigasyon sang Traffic section sang Roxas City Police Station nagaguwa nga maliko na kuntani ang biktima apang wala sini matalupangdan nga hinali nga nagtabuk nga layaw nga ido.

Bangud sini, nadulaan sang kontrol sa manibela ang biktima kag dalayon nga natumba sa dalan.

Gilayon naman nga gindala sa malapit nga ospital ang biktima agud madapatan sang nakaigo nga pagbulong.