Mabug-at nga kaso ang ginapangatubang sang isa ka babaye sa Shanghai matapos nga ginbasol siya pila ka aksidente sa salakyan sa ila lugar.
Ini matapos makapila ka beses niya nga ginsaylo ang traffic mirror sa atubang sang ila balay bangud nagapati ini nga nagadala ini sang malas sa iya pamilya.
Nagsugod ini tanan sang ang babaye nakabatyag sang sunod-sunod nga malas kag nagmasakit.
Sang nagkonsulta ang babaye sa isa ka eksperto sa Feng Shui, ginsilingan siya nga ang kabangdanan amo ang isa ka convex mirror sa dalan nga nakatutok sa ila ganhaan.
Ang traffic mirror ginapaanggid sang isa ka eksperto sa feng shui sa isa ka “demon-revealing mirror”, isa ka butang sa Chinese mythology nga nagapakita sang matuod nga porma sang mga demonyo.
Bangud sini, pilit nila nga ginasaylo ang salamin nga nagresulta sa pagkadula sang visibility sang mga motorista sa kurbada kag pagdamo sang aksidente.
Gintinguhaan pa sang property management nga lubaron ini paagi sa pagbutang sang ikaduha nga salamin sa pihak nga bahin bilang isa ka pagkompromiso.
Nagsugot ang ginang sang primero, apang sang nabatyagan niya nga ginabantayan siya liwat, ginsaylo niya ini liwat.
Sa katapusan, napilitan ang mga pulis nga magpasilabot kag ginpaandaman siya nga mahimo siya manabat sa legal nga paagi kon may isa nga masakitan ukon mapatay bangod sang iya mga pagpati.
