Sa isa ka eksena nga daw kaangay sa isa ka pelikula, ang isa ka dalagita sa Uttar Pradesh, India nagpakibot sa iya bug-os nga komunidad pagkatapos niya ginbilin ang “ebidensya” sa iya pag-transform sa isa ka man-ug agud makapalagyo sa iya arranged marriage.
Pila ka adlaw antes ang iya kasal, natukiban sang pamilya sang nobya nga wala sang tawo ang kwarto ni Reena apang mahipid nga napilo ang iya mga bayo kag alahas sa katre.
Ang makahaladok, tupad lamang sang iya gamit ang panit sang man-ug.
Madamo nga mga tawo ang nagapati nga isa sia ka “icchadhari naagin,” isa ka tinuga sa sugilanon sang mga Indian nga mahimo magbaylo sang dagway ang tawo kag man-ug.
Apang naguwa sa imbestigasyon sang kapulisan nga hungod nga ginplano ni Reena ang insidente agud makapalagyo sa arranged marriage kag pasalahon ang iya pamilya.
Sa katapusan, nag-post si Reena sang video upod ang iya matuod nga ginapalangga kag ginkumpirma nga luwas siya kag nagpakitluoy sa pamilya nga tugutan sila nga magkabuhi sang malinong.
