Baby Elephant, nagpanago sa likod sang poste matapos madakpan nga nagpangawat ini sang tubo

Isa ka baby elephant ang nag-viral online matapos madakpan nga nagpangawat sang tubo.

Sa baylo nga magdalagan ini, mas ginpili niya nga magpanago sa likod sang poste.

Makit-an man sa video nga nagatindog ini kag daw kaangay nga nahuya siya sa iya nga ginhimo.

Apisar nga maathag nga kitaon siya bangud sa kadakuon sini, apang daw kaangay nga ginpapati sini ang iya kaugalingon nga invisible siya sa iban.

Samtang, madamo naman nga mga netizens ang nalipay kag nalingaw sa nasambit nga hitabo matapos nga nag-viral online ang video.