Padayon ang pagmonitor sang Barangay Anti-Drug Abuse Council (BADAC) sang Barangay Punta Tabuc agud kag matapna ang pagduging sang iligal nga droga sa lugar.
Sa interview sang Bombo Radyo kay Punong Barangay Nestor Buenviaje, iya ginpahayag nga may mga area sa lugar nga madamo sang mga tawo nga nagasulod kag nagaguwa nga indi kilala.
Bangud sini, ginpabaskog ang pagmonitor kag ginapatuman ang mas hugot nga pagbantay sa nasambit nga lugar.
Suno kay Buenviaje, nagapanawagan ang barangay sa publiko nga magkooperar kag maghatag sang impormasyon sa mga otoridad agud malikawan ang paglapta sang iligal nga droga sa komunidad.
Nagpasalamat man ini sa padayon nga bulig kag suporta sang kapulisan sa pagpatuman sang mga operasyon kag pagbantay sa seguridad sang barangay.
Nahibaluan nga sa syudad sang Roxas City, nagapabilin ang Barangay Punta Tabuc nga ginakabig barangay hotspot bangud sa lokasyon, kadamuon sang populasyon kag mga aktibidad sa lugar.
