ROXAS CITY – Arestado sang gintingub nga pwersa sang Philippine Drug Enforcement Agency (PDEA), Provincial Drug Enfrocement Unit sang CPPO kag Pontevedra PNP ang bading nga drug surenderee sa drug buy bust operation sa Barangay Lantangan, Pontevedra, Capiz.
Sa interview sang Bombo Radyo Roxas kay PDEA agent Reyes, ginpahayag sini nga isa ka bulan nga surveillance ang ginpatigayon sa aktibidad kag transaksyon ni Elmer Tumlos, 53, sang Barangay Lantangan, Pontevdra antes ang operasyon.
Suno pa kay Reyes nga indi basta basta nga drug pusher si Tumlos bangud wala ini nagagamit sang cellphone sa iya mga transaksyon.
Narekober sa posesyon ni Tumlos ang tatlo ka sachet sang shabu, P1,000 nga marked money kag personal nga kuwarta sang suspek.
Samtang hugot nga ginpanginwala sang suspek nga nagaduso ini sang droga, bangud ang nakuha nga shabu ang peronal consumption sini nga nakuha niya sa abyan nga bading nga nagatrabahi sa parlor.
